係邊個撒旦又有乜關係呢?呢個網前身都只係新聞組入面嘅基督教版,邊個人扮邊個,雖然仲有 IP address 可以認,但只要係講我想講嘅嘢,你將自己改名做龍井樹我一啲都唔介意。至於用我名去撩交嗌,意圖破壞他人名聲嘅,熟我嘅人會認出佢係改名西,唔熟我嘅我根本都理得佢。
講番約伯記個撒旦,佢建議上帝 "你且伸手、毀他一切所有的、他必當面棄掉你。" 顯然就唔係一個惟上帝是從嘅天使,不過最妙嘅係上帝竟然接受,參與賭局喎?上帝固然全知全能,早知道結果係點。上帝接受挑戰不過係要令撒旦心服口服,而令約伯同佢一家飛來橫禍。
當然現代嘅正常人都唔會認為呢個故事有一個 happy ending,只有嗰啲思想仍然停留响石器時代,視兒女為牛羊豬馬一樣嘅私人財產嘅人,先會覺得約伯係因禍得福,上帝要藉住賭局去俾張好牌約伯上啫... |